ثقافة وفنونسلايدر

جديد الزجال المراكشي الخفيري قصيدة بعنوان “صوگ بالمهل”.

بقلم : عبدالله الخفيري

كن فهيم وصوگ رزين
قانون السير مافيه حكيم
تعلم صواب السياقة
صوگ بالمهل ولحداقة
الحياة جميلة وردة ف جنان
حافظ عليها من كل عدوان
صوگ بنخوة واناقة
والتمتع ديما بالرشاقة
غير تأنى ماتكون غلطان
تعيش مهني مرتاح فرحان
الطريق صعيب ماتكون عنيد
فيها الآفات راقب لحديد
الزيت والماء والحرارة
لفران وضغط العجلة
حكم داتك فالرزانة زيد
صوگ بالمهل وشوف بعيد
لا تهور تصبح ندمان
فالطرقان ما بقى امان
رد بالك ماتكون زربان
إخيب ظنك بين الطرقان
قبل ما تتعرض للصدمة
حظر لعقل والحكمة
السرعة عدو السرعة تقتل
بالتأني غادي توصل
توصل توصل غير تمهل
لعناد بلاش بديك الحل
گول بسم الله صوگ بالگانة
راه بالخفة تزلق رجليك
سمح ف حقك ما تگول أنا
رآه الأنا تقدر تديك
غدا ما تنفعك ندامة
ما تلقاش من يشفع فيك
حرب الطرق حرب شياطين
حلبة صراع بلا حدود
الصحة تاج غالي وثمين
خصنا نخدمو نبذلو جهود
باش الامان يرجع فالحين
تزول لشباح والسلامة تعود

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى