ثقافة وفنونسلايدركتاب و آراء

الشاعر و الزجال المراكشي عبد الله الخفيري يكتب قصيدة زجلية عن “لميمة”

لميمة سمحي ليا
بشوفة الرضا شوفي فيا
كفوفك لله هزي ليا
انا محتاجك تدعي ليا
برضاك نزيد لقدام
وبالخبزة نهزم العيدان
سهرتي وربتي مزيان
والله ماضيع السهران
طال بيا المرض فالصغر
وانت ما ملتي
ما غمضتي شفر
صبرتي وعانتي من الضر
قهرك الزمان
وربي عاونك بالصبر
تمنيت ربي إزيدك فالعمر
تربي اولادي وتغطيهم بالستر
بركتك قوية ماتقهر
وريحتك أطيب م لعطر
فضلك فايض علي من الصغر
وعلى تريكتي بغيتو يمهمر
يسقيهم بقوة من الجدر
باش الشجرة ما تقهر
تبقى صايلة فالشتا والحر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى